من زمن الحُب ....

حبيتك وبحبك

ــ ملحم بركات ــ

حبيتك وبحبك تيبطل الغيم
يشرد ورا الغيم وتخلص الطرقات
حبيتك وبحبك تيبطل الموج
يركض ورا الموج بشمس المسافات



قلتلك وبقلك هوانا مكتوب
والدمع مكتوب ع ورق الأسرار
قلتلك وبقلك لو هاجروا الناس
من بعضن الناس أنتِ بقلبي نار


قلتي عني ناسي والهوى عمره قصير
عتبي عليكي قاسي
وعتب الاحبة كبير

وين ماكنتي وضج الحنين

وكيف مارحتي وباعدتنا سنين

قولي بعدو ناطر ع باب المشاوير


خليني وخليكي عطر وليالي زمان

واذا سألوا انكريني وقولي هوانا كان

وضلي بقلبي سره الجريح
ونامي بقلبي تتعب الريح

خبيتك بعيوني من درب النسيان



حبيتك وبحبك تيبطل الغيم
يشرد ورا الغيم وتخلص الطرقات
حبيتك وبحبك تيبطل الموج
يركض ورا الموج بشمس المسافات