اي نوع من النساء انتي عصبيه او زعوله ام ملووله ؟

اي نوع من النساء انتي عصبيه او زعوله ام ملووله ؟

السلام عليكم ورحمة الله وبركاته


الإنسان الطبيعي .....عباره عن مجموعه
من الصفات تشكله......

لكن ......
لابد تلقين صفه هي الأبرز في شخصيته
وتلقينه مشهور فيها عند كل الناس

يعني إذا ذكرت انسانه عندك .....
تلقين لاشعوري تقولين تجنن هالأنسانه
مافي اطيب منها.....او مرحه بشوشه
أوأعوذ بالله منها وتذكرين.....لوبينك وبين نفسك
صفتها السيئه.....

الصفات السيئه ياأخوات في مجمل الأحوال
تعود على صاحبها بالشر.....
بس ضررها قد يكون اقوى في ....

الزواج ........مع الزوج
لماذا....

بحكم الإرتباط والأشتراك فالحياه
بعض الزوجات يحملون صفات غير جيده
تنرفز الزوج .....وتسبب له بتعب نفسي

في هذا الموضوع .....

بعرض بعضها مع وضع بعض الحلول
التي قد تساعدها على التغير إن شاالله....


العصبيه::


هالنوعيه من النساء نار نار.....
تثور على اتفه الأسباب تقوم الدنيا عند اول زله.....
دايما معصبه ماتامنين غضبها
لو حاول شخص يناقش معها أويراجعها بامر بسرعه تشب
ويرتفع صوتها.......
أو إذا واحد من عيالها غلط صارت نهاية العالم.....
معيشه نفسها وأهل بيتها بجحيم .....
ممكن تكون أحسن وحده نظيفه ومرتبه وراعية بيت
بس تلقيها تغلي تغلي ومن داخل واعصابها تعبانه ......
وهي تنظف وهي تطبخ وهي تدرس عيالها
فتضيع كل طيبتها ومجهودها ......من زلات لسانهاا
هي تكره هالجانب فيها....
وتلوم نفسها .....باستمرار
بعض من العصبيات .....تحاول تحط اللوم على الظروف
او على الأشخاص اللي تسببوا لها بالإزعاج
وثوروا اعصابها.......
هالنوعيه لو تزوجت شخص وسيع الصدر
وبارد لابد تجيه العدوى ومن عصبيتها
ويصير صدام بينهم فما بالك لو خذت عصبي اصلاً

الحل:
ليه ماتحول هالطاقه الكبيره اللي تبذلها بالعصبيه
لشي إيجابي ويبدأ من الداخل....
إذا كانت العصبيه بسبب تفكيرها ......
فالماده -او غيره عليه او خوف او تعب

فالبدايه تكون صريحه مع نفسها ....
وتوقف دقيقه بأي مكان لحالها في بيتها
وتقول بصوت مسموع لنفسها ........
بس يكفي حرق لنفسي ولغيري .......

تقعد تدعي وتدعي وتدعي وهي على حالها
إن كانت تنظف تستمر بتنظيفها أو تطبخ تستمر بطبخها
أو تتمكيج تستمر نفس الشي بمكياجها.......
بس يكون لسانها يلهج بالدعاء ثم الدعاء ثم الدعاء
لكل اللي خايفه منه أو كان سبب ..... بتعبها النفسي
هما لشي يمتص الغضب ويفرغ الشحنه الكبيره
اللي داخلها ....لعدة اسباب
أو شي تكلمت وفضفت ومن غير ماتحس انها
طلعت سرها لاحد....ومن غير ماتحس انها غثت
احد بكثرة الكلام.......
الشي الثاني ......إحساسها أنها تشكي لمن بيده نجاتها
وخلاصها ذلك العظيم الجبار ............وأنها تأوي لركن شديد
الشي الثالث .....تحس براحه لأنها عملت عمل خير
اللي هو الدعاء......ومعروف الدعاء مع العباده
الشي الرابع ....إحساسها انها ماآذت احد لازوج ولااولاد ولاخادمه ولاولاولا
الشي الخامس ......تغلبها على هالصفه السيئه
كفيل براحتها.......


الزعولة:

هالنوعيه مايمدي زوجها يفرح برضاها
عليه ....إلاقلبت خشتها وزمت خشمها
كل شي يزعلها وتبرر لعمرها انا حساسه
....
فرق بين الرقيقه والحساسه وبين الزعول
ليه قلتلك تجيبلي هالشي ونسيت....
ليه قمت وانا راقده وطلعت...
ليه سكرت اللابتوب يوم شفتني .....
ليه سكتت يوم اقبلت عليك .....
ويوم جيت غيرت الموضوع ....
وقيسوعلى هالسخافه....
الزوج إن كان طيب بيبررمره مرتين عشر
بعدين يقول طقي راسك باجدار
أماالزوج الحار ضيق الصدر....
بيعطيك رد ويخليك بتكرهين حياتك
الزوج اللامبالي .....بيخليك تكلمين نفسك
وتدورين إجابه وهو عايش حياته مكمل سهرته براحه.....
وأنتي عايشه بمسلسل الأحزان والأوهاوم....

الحل:
وقفه جاده مع النفس ونفس الحاله الأولى ......
مصارحة النفس بانك إنسانه مالهاقيمه ....
محد يهتم بزعلها أو رضاها.....
قام وانا راقده_لأنه إنسان معرض للأرق
شاغله موضوع ومطير النوم من عينه
ومابغى يزعجك ....
وماجاب اللي طلبته _نسي انشغل مامعه فلوس
وتعجيز يروح يسحب من الزحمه ....
سكر اللابتوب _صدفه كان بيسكره يجيني .....زهق ...يشوف شي
مايبيني اشوفه .....وش يعني خايف منك مثلا
وقيسوا عليها...
المفروض احط لنفسي قيمه ويكون لزعلي وخاطري
قدر....وهما الأمر بالمعروف ومايتحقق إلا بالأبتعاد عن سفاسف الأمور


الملوله:
دايما ذابحها الزهق وتتأفف....
ان كلمها من الدوام ها شخباركم
ترد بتافف وتشكي الملل والزهق...
وإن طلعت تافف من الزحمه .....
أو الحر أوالمكان ماعجبها.....
وتكسحه بان ليتها قعدت فالبيت بدال هالبهذله
وإن سيروا على أحد ...... ورجعت
ها إن شاالله أنبسطتي .....ابد زهق وسوالف تجيب المرض
لو ماطلعت أشرف .....
طيب وشرايك في مطعم يمدحونه .....
هابشري عساه عجبك ....
اقول مشينا ....أمحق مطعم أكله الله يعز النعمه
وريح الطبخ واصلنا وملا هدومنا.....
لو إني قاعده ببيتي ازين لي

الحل:

انا ليه كذا ....ليه مافي شي عاجبني
هذي ديرتي وهذا واقعي.....
انا وش ابي اصلاً....
جبتله الملل ومن كثر ماانا اردد هالكمله
العيب فيني .....انا اللي ماني قادره اسعده
لسى....... أنا اللي ماني قادره امل الفراغ
في حيايتي....
الأمر يبدأ من داخلي .....المفروض
ادرس او اتو ظف اوادخل تحفيظ او على الأقل
اثقف نفسي .......
اسوي مشروع بسيط وإكان في بيتي
لو اجمع طلاب الأبتدائي أو أدرسهم
او اجيب خياطات او طباخات او عاملات
المهم اسوي شي احبه وانفظ غبار الملل في حياتي
قبل اسمعها بكثره تضجري منها .....لأن هالأمور عدووي
احساس ينتقل بين الأشخاص خصوصا ....
القربين من بعض .....
بملاحظه بسيطه ...... إذاقبل عليك شخص مرح لطيف
حلو اللسان ...... تتبسمين لاشعوري
وإذا اقبل عليك شخص كئيب كثير الشكوى
تحسين بانقباض فالنفس والمكان يكون بنظر لا ضيق خانق
نفس شعور زوج الملوله .....
إذا رجع البيت يحس أنها راجع لمكان ممل مكان يضيق الصدر.


اتمنى الموضوع ينال اعجابكن